fbpx

कोरियामा नेपाली विद्यार्थीबाट आत्महत्याको प्रयास

0 181

काठमाडौँ । दक्षिण कोरियाको छेजुदो टापुमा एक नेपाली विद्यार्थीले आत्महत्याको प्रयास गरेका छन् । छेजुदो टापुको छेजुहल्ला विश्वविद्यालयमा अध्ययनरत एक नेपाली विद्यार्थीले आत्महत्याको प्रयास गरेका हुन् । 

विद्यार्थीको नाम र ठेगाना गोप्य राखिएको छ । 

tuborg

विश्वविद्यालयको होस्टेलमा बस्दै आएका ती विदार्थीलाई मंसिर १८ गते राती २ बजे होस्टेल बाहिरबाट घाइते अवस्थामा उद्धार गरिएको थियो । सोही विश्वविद्यालयमा अध्ययनरत एक विद्यार्थीका अनुसार घाइते विद्यार्थीको हात, घाँटी तथा छातीमा चोट लागेको छ । उनको अवस्था चिन्ताजनक रहेको छ ।

जागिर नपाएपछि तनाबमा थिए विद्यार्थी
सोही विश्वविद्यालयमा अध्ययनरत एक नेपाली विद्यार्थीका अनुसार आत्महत्याको प्रयास गर्ने विद्यार्थीले केही दिनअघि मात्रै जागिर गुमाएका थिए । यसअघि आल्बा भनिने पार्टटाइम काम गरिरहेका उनलाई कामबाट बिदा गरिएको थियो । काम नपाएपछि बिरक्तिएका उनले आत्महत्याको प्रयास गरेको हुनसक्ने अनुमान गरिएको छ ।

नेपालका कन्सल्टेन्सीहरुले कोरियामा पढाईसँगै राम्रो काम पाइने भनेर नेपाली विदार्थीलाई पठाउने र त्यहाँ काम नपाएपछि नेपाली विद्यार्थीहरु डिप्रेसनमा परेको बारे रातोपाटीले यसअघि नै समाचार प्रकाशन गरिसकेको थियो । छेजुहल्ला विश्वविद्यालयमा नयाँ विद्यार्थी पठाउन रोक लगाउनेबारे त्यहाँ अध्ययनरत नेपाली विद्यार्थीहरुले सोलसिथ्त दूतावासलाई पत्रसमेत लेखेर ध्यानाकर्षण गराएका थिए । तर दूतावासले यस विषयलाई गम्भीरताका साथ नलिँदा दुर्घटना भएको नेपाली विद्यार्थीले आरोप लगाएका छन् ।

यो सामाग्री हामीले रातोपाटी बाट साभार गरिएको हो.

Leave A Reply

Your email address will not be published.